24 jan 10:52
Yangiliklar

Boks/MMA

Islam Maxachevda yana bir sovrin + FOTO

Engil vazn toifasida UFC chempioni Islam Maxachev promoushen etirofiga sazovor bo'ldi.

Rossiyalik aralash yakkakurash ustasi UFC tomonidan "Yil usuli" nominaciyasida g'olib deb topildi. Islamning o'tgan yili 1 iyun kuni Nyu-Jersida o'tgan UFC 302 turniri doirasida amerikalik Dastin Poreni bo'g'ib qo'ygani 2024 yilning "Eng yaxshi usuli" deb topilgan.

"Bu faoliyatimdagi eng yaxshi jang va men qo'llagan usullarimdan biri edi. O'ta qiyin jangdagi chiroyli finish uchun UFC menga ushbu mukofotni taqdim etdi. Bundan juda xursandman. Oktagonda o'sha kuni juda ko'p qon to'kildi, ochig'i aqldan ozdiradigan holatdagi jang bo'lgandi. Menda "Yil jangi", ikkita "Yil usuli" mukofotlari bor. Endi menga "Yil nokauti" kerak", — deya Maxachevning so'zlarini keltiradi UFC matbuot xizmati.