18 jan 16:33
Yangiliklar

Bolalar sporti

Islam Maxachevning ertangi jang uchun gonorari haqida malumot berildi

Bizning vaqt bilan ertaga tong saharda Los-Anjeles (AQSH)dagi "Intyut Doum" arenada 2025 yilning ilk raqamlangan UFC turniri bo'lib o'tadi.

UFC 311 oqshomining markaziy jangida engil vazn toifasi chempioni Islam Maxachev braziliyalik Renato Moykanoga qarshi oktagonga chiqadi. Aslida rossiyalik chempion o'z kamarini armanistonlik Arman Carukyandan himoya qilishi kerak edi. Ammo vazn tashlash jarayonidagi qiyinchiliklar sabab belini shikastlab olgan Arman safdan chiqqan, promoushen rahbarlari uning o'rnini Moykano bilan to'ldirishgandi.

Malumotlarga qaraganda, Islam Maxachev reytingning 10-pog'onasida borayotgan Renato Moykanoga qarshi jangi uchun taxminan 2 million dollar miqdorida gonorar oladi. Hali translyaciyalardan tushadigan ulush ham bor.