“Islom birdamlik o'yinlari”. 34ta medal bilan 4-o'rindamiz!

Bugun musobaqaning navbatdagi kuni sportchilarimiz 4ta medalni qo'lga kiritishdi. Oltin medallarimiz soni 7taga etdi. Hisobimizda 9ta kumush, 18ta bronza, jami 34ta medal bor.

Bu bilan medallar jamg'arish bo'yicha umumjamoa hisobida 4-o'rinni egallab turibmiz. Bugun hisobidan terma jamoamizga yagona oltin medalni taekvondochimiz Niyoz Po'latov taqdim etdi. 

43ta oltin, 40ta kumush, 32ta bronza, jami 115ta medalni qo'lga kiritgan Turkiya terma jamoasi hamon 1-o'rinni band etgan. Ozarbayjon terma jamoasi ikkinchi o'rinda boryapti. Mezbonlar hisobida 41ta oltin medal bor. Kumush medallar soni 24, bronza esa 16tani tashkil qilmoqda.

Umuman olganda, shu kungacha 18ta davlat terma jamoalari kamida bitta oltin medalni qo'lga kiritishga muvaffaq bo'lishdi. 54ta ishtirokchi davlat jamoalaridan 28tasi kamida bitta bronza medaliga egalik qilyapti.