“Islom birdamlik o'yinlari”. Bugun 3 bokschimiz yarim final chiptasi uchun ringga chiqadi

Bugun musobaqaning boks bahslarida 3 nafar charm qo'lqop ustamiz ringga ko'tariladi. Jumladan, -52 kg vazn toifasida yurtimiz sharafini himoya qilayotgan Abrorjon Qodirov chorak finalda ozarbayjonlik Masud Yusufzoda bilan hisob-kitob qiladi.

-64 kg vazndagi Aliyor Noraliev yana bir ozar bokschisi Elvin Isaev bilan munosabatlariga oydinlik kiritib oladi. -75 kg vazn toifasidagi bokschimiz Mahmud G'oipov esa qozog'istonlik Tursinbay Kulaxmetga qarshi jang o'tkazadi.

“Islom birdamlik o'yinlari”ning boks musobaqasi Olimpiya shaharchasidan 37,3 km uzoqlikda joylashgan Crystal Hall (CH2) arenasida bo'lib o'tmoqda.