“Islom birdamlik o'yinlari”. Medallar jamg'arish bo'yicha 7-o'rindamiz!

Kecha musobaqaning navbatdagi kuni sportchilarimiz jami 8ta medal qo'lga kiritishdi. SHulardan bittasi oltin, bittasi kumush, 6tasi bronza medalidir. Karate bahslarida ishtirok etgan Sadriddin Saymatov hozircha yagona bo'lib turgan oltin medalni terma jamoamizga taqdim etdi.

Bu bilan medallar jamg'arish bo'yicha umumjamoa hisobida 7-o'rinni egallab turibmiz. 10ta oltin, 9ta kumush, 3ta bronza, jami 22ta medalni qo'lga kiritgan Ozarbayjon terma jamoasi medallar jamg'arish bo'yicha 1-o'rinni band etgan.

Ikkinchi o'rindagi Turkiya terma jamoasi hisobida ham 10ta oltin medal bor. Kumush medallar soni 7, bronza esa 10tani tashkil qilmoqda. Kuchli uchlikka 2ta oltin, 6ta kumush, 5ta bronza medali bilan Indoneziya terma jamoasi yakun yasagan.

Bizdan oldingi o'rinlarda Jazoir, Eron, Iordaniya sport delegaciyalari borishmoqda. Bugungacha jami 17ta mamlakat sportchilari kamida bitta bronza medalini qo'lga kiritishdi. 

IV “Islom birdamlik o'yinlaridagi medallarimiz: 

Sadriddin Saymatov – (karate, 60 kg.) - oltin 

Badiiy gimnastika (terma jamoa) - kumush 

Saidxon Sayfuddinov (o'q otish) - bronza 

Sakina Mamedova (o'q otish) - bronza 

Diyorbek O'rozboev (dzyudo, -60 kg.) - bronza 

Gulruh Rahimova (para-dzyudo, -70 kg.) - bronza 

Dostonbek Otabolaev (karate, 75 kg.) - bronza 

Barno Mirzaeva (karate, 61 kg.) - bronza