"Islom birdamlik o'yinlari" sovrindorlari va OAV vakillari taqdirlandi (to'liq)

Ushbu tadbirda Milliy Olimpiya qo'mitasi prezidenti Alisher Sultonov, bosh kotib Oybek Kasimov, Jismoniy tarbiya va sport qo'mitasi raisi Rustam Qurbonov, federaciyalar vakillari, sportchilar va OAV vakillari ishtirok etdilar.

Tadbirni MOQ matbuot kotibi Zafar Imomxo'jaev olib bordi

Mehmonlarga sportchilarimizning Bokudagi muvaffaqiyatlari aks etgan videorolik qo'yib berildi

Marosimda MOQ Prezidenti Alisher Sultonov so'zga chiqib, "Islom birdamlik" o'yinlarida sovrindorlar qatoridan o'rin olgan sportchilarni ushbu yutuq bilan tabriklar, ularning barchasi moddiy va manaviy tomonlama rag'batlantirilishini malum qildi.

Alisher Sultonov o'z tabrigi davomida Bokuda bo'lib o'tgan o'yinlarda O'zbekiston hisobiga oltin medalni qo'shib qo'ygan sportchilarga 10 million so'm, kumush medali sohiblariga 5 million so'm, bronza medalini qo'lga kiritgan sportchilarga esa 3 million so'mdan mukofot puli taqdim etilishini aytib o'tdi.

Bokudagi musobaqada ishtirok etgan O'zbekiston boks terma jamoasi azolari

Tennischilarimiz

Musobaqadagi ilk medalni bizga o'q otuvchilarimiz taqdim etishgandi



Sportchilarimiz nomidan so'zga chiqqan karatechi Sadriddin Saymatov barchasi uchun minnatdorchilik bildirdi va Tokio-2020 Olimpiadasida munosib ishtirok etishga vada berdi

SHuningdek, bugungi tadbirga 27 iyun kungi ommaviy axborot hodimlari munosabati bilan bir qator sport jurnalistlari, jumladan Mirzahakim To'xtamirzaev, Nodirxo'ja Yuldashev, Kamoliddin Alimov, Davron Fayziev, Diyor Imomxo'jaev, Sanjar Rizaev, Timur Nizaev va boshqalar Milliy Olimpiya qo'mitasi hamda Jismoniy tarbiya va sport qo'mitasi tomonidan taqdirlandilar. 

Aziz To'xtamurodov

Marosimdan olingan suratlarni FOTOGALEREYA orqali tomosha qilishingiz mumkin.