Italiya Superkubogi. Bugun Ar-Riyodda “Milan derbisi” bo'lib o'tadi

Unda A Seriyaning o'tgan mavsumi g'olibi “Milan” hamda kubok sohibi “Inter” o'zaro to'qnash keladi. Titul uchun bahs Ar Riyodda Qirol Fahd nomidagi xalqaro stadionda bo'lib o'tadi va o'yin 23:59 da start oladi.

Eslatib o'tamiz, “neradzurrilar” amaldagi g'olib hisoblanadi va ular hisobida umumiy 6 ta (1989, 2005, 2006, 2008, 2010, 2021) superkubok sovrini bor. “Rossonerilar” esa mazkur titulni 7 marta (1988, 1992, 1993, 1994, 2004, 2011, 2016) qo'lga kiritishgan. Bu borada rekord esa “Yuventus”ga tegishli – 9 ta.