Jahon chempionati. Besh nafar bokschimiz ringga ko'tarildi

Ushbu musobaqada ilk marotaba O'zbekiston terma jamoasi to'liq tarkibda ishtirok etyapti. Jahon chempionatining ortda qolgan ikki kunida ringga ko'tarilgan besh bokschimizdan faqat bir nafarigina ikkinchi davraga yo'l oldi. 

-69 kg vaznda ringga ko'tarilayotgan SHahnoza Yunusova ilk bosqichda Kimberli Gittensni 3:2 hisobida taslim etdi. Qolgan bokschi qizlarimiz esa mag'lubiyat alamini totib ko'rib, jahon chempionatidagi ishtiroklarini yakunlashdi. 

-51 kg vazn toifasidagi hamyurtimiz Aziza Yoqubova yaponiyalik Cukimi Namikiga yutqazdi - 2:3. CHexiya, Ruminiya va polshalik hakamlar g'alabani yapon bokschisiga berishgan. 

-54 kg vazn toifasida yurtimiz sport sharafini himoya qilgan Tursunoy Rahimova ilk davrada Modestin Munga Zaliyaga 0:5 hisobida yutqazdi. 

-57 kg vazn toifasidagi vakilamiz, Rio Olimpiadasi ishtirokchisi Yodgoroy Mirzaeva ruminiyalik raqibasini Lakramioara Perijokka 0:5 hisobida imkoniyatni boy berib qo'ydi.  

-60 kg vazndagi bokschimiz Rayhona Qodirov teng kurashlar ostida kechgan jang yakunida bolgariyalik Denisa Yordanova Eliseevadan 2:3 hisobida mag'lub bo'ldi.