Jahon chempionati doirasidagi O'zbekiston - Pokiston uchrashuvi yakunlandi

Hozirgina O'zbekiston va Pokiston terma jamoalari o'rtasidagi uchrashuv o'z yakuniga etdi va afsuski, unda voleybolchilarimiz raqiblariga 0:3 (23:25, 18:25, 21:25) hisobida imkoniyatni boy berib qo'yishdi. Guruhimizning yana bir o'yinida kecha bizdan engilgan Turkiya terma jamoasi murosasiz kechgan 5 setlik bahsda Argentinaga 2:3 (25:21, 23:25, 22:25, 25:22, 12:15) hisobida yutqazdi. 

Endi voleybolchilarimiz 3-tur uchrashuvini ertaga Puerto-Riko terma jamoasiga qarshi o'tkazishadi. Ushbu bahs "Yunusobod" sport majmuasida soat 17:00da boshlanadi. Puerto-Riko bugun Belgiyadan 0:3 hisobida mag'lub bo'ldi.