Jahon chempionatida munosib ishtirok etgan belbog'li kurashchilarimiz kutib olindi FOTOREPORTAJ

Dunyoning 30 dan ortiq davlatining sara kurashchilari ishtirok etgan jahon chempionatining kattalar o'rtasidagi belbog'li kurashning erkin va klassik yo'nalishida qatnashgan O'zbekiston erkaklar va ayollar terma jamoasi 4 ta oltin, 3 ta kumush, 5 ta bronza medalini qo'lga kiritib, umumjamoa hisobida faxrli birinchi o'rinni egalladi. 

SHuningdek, U17 yosh toifasida o'g'il bolalar va qizlar o'rtasida o'tkazilgan jahon chempionati bellashuvlarida Baxtiyor Turg'unpo'latov bosh murabbiyligidagi yosh polvonlarimiz 10 ta oltin, 4 ta kumush va 11 ta bronza medallarini qo'lga kiritib, kattalar terma jamoamiz singari umumjamoa hisobida birinchi bo'lishdi. 

Musobaqaning so'nggi kunida U 20 toifasidagi jahon chempionatida ham sportchilarimiz 6 ta oltin, 4 kumush va 10 ta bronza medallarini qo'lga kiritib, umumjamoa hisobida yana birinchi bo'lishdi. 

Barcha g'olib va sovrindorlarimiz:

Oltin medal

57 kg. Abbosbek Ahmadjonov

75 kg. Samandar Anvarov

90 kg. SHodilbek SHodilbekov

48 kg.  Moldir Alimboeva

52 kg. Feruza Sobirova

66 kg.  Sevara SHajenova

Kumush medal 

57 kg. Akbarjon Sobirjonov

68 kg. Kamronmirzo Ismonaliev

90 kg. Samandar Egamberdiev

66 kg. Muxlisa Rustamova

Bronza medal 

62 kg. Sohibxoj Boymatov

62 kg. Asadbek Jalilov

68 kg. Diyorbek Polvonov

82 kg. Faryozbek Kozimoa

82 kg. Sardorbek Sodiqjonov

+100 kg. Hamidullrh Soliev

+100 kg. Azimjon Yuldoshev 

48 kg. Musharrafxon Murodullaev

57 kg. Muslimaxon Ahmedova

+76 kg. SHirinoy Yuldosheva. 

SHu tariqa Qozon shahrida o'tgan kattalar, yoshlar va o'smirlar o'rtasidagi navbatdagi jahon chempionatida polvonlarimiz 20 ta oltin, 11 ta kumush va 26 ta bronza medallarini qo'lga kiritgan holda umumjamoa hisobida faxrli birinchi o'rinni egallashga muvaffaq bo'lishdi. 

Jahon chempionatida munosib ishtirok etgan hamyurtlarimiz bugun tongda yurtimizga qaytib kelishdi. Poytaxtimizdagi Islom Karimov nomidagi xalqaro aeroportida sportchilarni tantanali kutib olish marosimi bo'lib o'tdi. Unda Sport vazirligi, O'zbekiston belbog'li kurash federaciyasi vakillari, jamoat tashkilotlari, sportchilarning ota-onalari va yaqinlari ishtirok etishdi. 

- Rossiya federaciyasining Qozon shahri mezbonligida o'tgan jahon chempionatida polvonlarimiz yuqori natijalar ko'rsatdi. Keskin va murosasiz tarzda o'tgan jahon chempionatida sportchilarimiz eng kuchli ekanligini yana bir bor isbotladi, - deydi O'zbekiston belbog'li kurash federaciyasi bosh kotibi Abduxalil Malikov. - Ushbu salmoqli natijalarga erishishimizda yurtimizda sportga, xususan, milliy sport turlarimizga qaratilayotgan alohida etibor va qolaversa, O'zbekiston Respublikasi sport vazirligi hamda federaciyamiz tomonidan amalga oshirilayotgan say-harakatlar, sportchilarimizga yaratib berilayotgan keng imkoniyatlar tufayli, deb bilaman. 

Ilhom RAHMONOV tayyorladi