Jahon chempionatida polvonlarimiz hozircha 12 ta medal qo'lga kiritishdi + FOTO

Kecha start olgan ushbu jahon chempionatida 38 davlatdan 250 nafarga yaqin polvonlar g'oliblik uchun kurash olib borishmoqda. Quvonarlisi, O'zbekiston belbog'li kurash federaciyasi raisi Ravshan Dastirov boshchiligidagi 18 nafar terma jamoamiz azolari (bosh murabbiy Azamjon SHokirjonov) ham mazkur jahon chempionatida munosib ishtirok etishmoqda.

Xalqaro toifadagi hakamlarimizdan Bekbergan Boltaev hamda Nematullo To'ychievlar esa ushbu jahon chempionatida hakamlik vazifasini o'tashmoqda. Jahon chempionati reglamentiga ko'ra, kecha belbog'li kurashning erkin yo'nalishi bo'yicha g'olib va sovrindorlar nomi aniqlandi.

Murosasiz va shiddatli tarzda o'tgan bellashuvlarda hamyurtlarimiz 2 ta oltin, 2 ta kumush va 8 ta bronza medallariga ega chiqib, umumjamoa hisobida kuchli uchlikdan joy olishga muvaffaq bo'lishdi. G'olib sportchilarimiz sharafiga madhiyamiz jahon arenasida baralla yangradi, Vatanimiz bayrog'i sarbaland ko'tarildi.

Quyida jahon chempionatining g'olib va sovrindor kurashchilari bilan tanishamiz:

Oltin medal sohiblari:

-100 kg. Nodirbek Ahadjonov (Toshkent sh.)

-66 kg. Maftunabonu Mahmudova (Andijon)

Kumush medal sohiblari:

-57 kg. Husanboy Nosirov (Andijon)

-90 kg.Jasurbek Isroilov (Andijon)

Bronza medal sohiblari:

-82 kg. Husniddin Ro'ziev (Andijon)

+100 kg. Azamjon Anvarjonov (Andijon)

-62 kg. Dostonbek Obidjonov (Namangan)

-68 kg. Murodjon Xamidov (Namangan)

-75 kg. Og'abek Amatboev (Xorazm)

-52 kg. Muxlisaxon Sotvoldieva (Farg'ona)

-57 kg. Manzuraoy Mo'ydinova (Farg'ona)

-76 kg. Ziyodaxon Ergasheva (Farg'ona)

Jahon chempionatining ikkinchi kuni yani bugun belbog'li kurashning klassik yo'nalishida bellashuvlar bo'lib o'tadi. Polvonlarimizga ushbu yo'nalishda ham omad tilaymiz.  

Ilhom RAHMONOV tayyorladi