05 apr 09:41
Yangiliklar
Qilichbozlik
Jamoaviy dasturda qilichbozlarimizga omad etishmadi
BAAda qilichbozlik bo'yicha o'smirlar va yoshlar o'rtasida jahon chempionati davom etmoqda.
Kecha sablya bo'yicha jamoaviy dasturda g'oliblar aniqlandi. Afsuski, bellashuvlarda vakillarimizga ozgina omad etishmadi. Filippinlik raqibalarini mag'lub etgan qizlarimiz ikkinchi davrada turkiyalik qilichbozlarga 42:45 hisobida imkoniyatni boy berib qo'yishdi.
Ikkinchi saralangan jamoa sifatida ishtirok etgan yigitlarimiz esa dastlabki davradan erkin o'tishdi. Ikkinchi bosqichda Filippin 45:14, uchinchi davrada Bolgariya 45:37 hisobida dog'da qoldirildi. Biroq chorak finalda ispaniyalik qilichbozlarga 42:45 hisobida mag'lub bo'ldik.
Bugun musobaqada 20 yoshgacha bo'lgan toifada rapira ustalari yakkalik dasturida g'oliblik uchun bellashishadi.
Havola :
Manba : olympic.uz
Fikrlar