15 jan 12:55
Yangiliklar

Boks/MMA

Jastin Getjining navbatdagi raqibi kim bo'lishi malum

Amerikalik aralash yakkakurash ustasi, engil vazn toifasida UFC Interim sobiq chempioni Jastin Getjining navbatdagi jangi bo'yicha tafsilotlar malum bo'ldi.

36 yoshli sportchining 9 mart kuni AQSHning Las-Vegas shahridagi T-Mobile Arena majmuasida tashkil etiladigan UFC 313 turniri doirasida oktagonga qaytishi kutilmoqda. Unga o'sha kuni Yangi Zelandiya vakili Den Xuker raqiblik qiladi.

Oqshomning markaziy jangi braziliyalik sportchilar — Amanda Lemos va Yasmin Lusindo o'rtasida kechadi.

Malumot uchun, Getji faoliyati davomida 30 ta jang o'tkazib, 25 g'alaba va 5 mag'lubiyat qayd etgan. BMF sobiq chempioni so'nggi jangini 2024 yil aprel oyida Maks Xolloueyga qarshi o'tkazib, mag'lub bo'lgandi. 34 yashar Den Xukerning hisobida esa 24 g'alaba va 12 mag'lubiyat bor. Xuker o'tgan yilning avgust oyida o'tkazgan o'zining oxirgi jangida Mateush Gamrotdan ustun kelgandi.