Jessika Pegula National Bank Open chempionligini himoya qildi

Musobaqaning amaldagi g'olibasi Jessika Pegula o'z chempionlik unvonini munosib tarzda himoya qildi. Dunyoning oltinchi raketkasi bo'lib turgan amerikalik tennis malikasi hal qiluvchi final uchrashuvida WTA reytingida 132-pog'onadan joy olib turgan vatandoshi Amanda Anisimovani uch set natijasiga ko'ra mag'lubiyatga uchratdi - 6/3, 2/6, 6/1.

Amerikalik tennischilarning o'zaro uchinchi uchrashuvida ham Amanda g'alaba qozondi - 3:0. To'qson daqiqa davom etgan bahsda Pegula 6, Anisimova 2 ta eys zarbasini amalga oshirgan. Qo'shxatolar Amandada ko'proq bo'ldi - 9 ga 4. Breyklar bo'yicha ustunlik 4 ga 2 ko'rinishida chempion foydasiga!

SHu tariqa, Pegula faoliyatidagi oltinchi sovrinini qo'lga kiritdi. SHundan teng yarmi WTA 1000 toifasiga kiruvchi turnirlar bosh sovrini. National Bank Open turniridagi muvaffaqiyatli ishtirok Pegulaga 1000 reyting ochkoi hamda 523,485 AQSH dollari miqdorida mukofot puli keltirdi.