Jeyms Digeyl va Badu Jek birlashtiruvchi chempionlik jangida

Bu haqda Showtime telekanali xabar berdi. Ushbu chempionlik jangi 14 yanvar kuni bo'lib o'tadi. Unda ikkinchi o'rta vazn toifasida IBF chempioni bo'lib turgan britaniyalik Jeyms Digeyl (23-1, 14KO) hamda WBC chempioni shveciyalik Badu Jek (20-1-2, 12KO) o'zaro jangda ringga ko'tarilishadi.

Mazkur birlashtiruvchi chempionlik jangini tashkil etish bo'yicha bir yildan beri muzokara o'tkazilayotgan edi. SHu yilning aprel oyida bokschilar bitta boks kechasida o'z janglarini o'tkazishdi. O'sha jangdan so'ng bokschilar birlashtiruvchi chempionlik jangi o'tkazish bo'yicha kelishib olishgandi.