Jismoniy tarbiya va sport vazirligi - 2020 yilning eng namunali vazirligi nominaciyasida sovrindor bo'ldi

Takidlash kerak, so'nggi yillarda mamlakatimizda sport infratuzilmasini yangi bosqichga olib chiqishga qaratilgan keng ko'lamli ishlar amalga oshirilmoqda.

Muhimi, jismoniy tarbiya va sportga berilayotgan etibor orqali millat genofondini sog'lomlashtirishga alohida etibor qaratilmoqda. Sog'lom millat esa ko'p narsaga qodir bo'ladi.

Karantin davrida xalqimizni uy sharoitida jismoniy tarbiya va sport bilan muntazam shug'ullanishga davat etish maqsadida qator chellenjlar o'tkazildi va bu jarayon hamon davom etmoqda.

Joriy yilda aholining turli qatlamlarini qamrab oladigan ommaviy sport tadbirlariga keng o'rin beriladi. Maqsad aniq — yurtdoshlarimiz orasida faol sog'lom turmush tarzi ko'nikmasini shakllantirish, aholi salomatligini yanada mustahkamlash.

«Yil tanlovi» so'rovnomasi g'olib va sovrindorlarini taqdirlash marosimida Jismoniy tarbiya va sport vazirining birinchi o'rinbosari Ravshan Ermatov ham ishtirok etdi va maxsus sovrinni qabul qilib oldilar.

O'z navbatida Jismoniy tarbiya va sport vazirligi avvalo ushbu yuksak etirofni oqlash, qolaversa hukumatimiz tomonidan jismoniy tarbiya va sport sohasiga berilayotgan etiborga munosib javob qaytarish yo'lida astoydil xizmat qiladi. Umid qilamizki, 2021 yilning eng yirik va muhim musobaqasi - Tokio olimpiadasida Vatanimiz sportchilari har qachongidan muvaffaqiyatli ishtirok etgan holda avvalo yurtboshimiz, qolaversa xalqimiz ishonchini oqlaydi.