31 may 11:03
Yangiliklar

Tennis

Jokovich "Rolan Garros" chempionlik himoyasini davom ettirmoqda

Dunyoning birinchi raketkasi Novak Jokovich "Katta Dubulg'a" turkumiga kiruvchi Franciya Ochiq chempionatining uchinchi davrasiga yo'l oldi.

Serbiyalik tennischi "Rolan Garros" turnirining amaldagi chempioni hisoblanadi. U ikkinchi davrada ATP reytingida 63-o'rinda borayotgan ispaniyalik Roberto Karbales Baenani ortiqcha qiyinchiliksiz mag'lubiyatga uchratdi - 6/4, 6/1, 6/2. Tennischilarning o'zaro uchrashuvlaridagi hisob yiriklashdi - 3:0.

Ikki soatu to'rt daqiqa davom etgan bahsda Jokovich 5, Karbales Baena 2 ta eys zarbasini amalga oshirgan. Qo'shxatolar Baenada ko'proq bo'ldi - 3 ga 1. Breyklar bo'yicha ustunlik esa Novak tomonda - 7 ga 2. Endi u French Open uchinchi bosqichida italiyalik Lorenco Muzettiga qarshi kortga chiqadi.