Karlos Alkaraz Parij "Masters"dagi yurishini boshladi

Dunyoning ikkinchi raketkasi Karlos Alkaraz ilk davrada ATP reytingida 37-o'rinni egallab turgan chililik Nikolas Xarrini mag'lubiyatga uchratdi - 7/5, 6/1. Karlos tennischilarning o'zaro uchrashuvlari hisobida oldinda bormoqda - 3:1.

To'qson ikki daqiqa davom etgan bahsda Alkaraz 9, Xarri 6 ta eys zarbasini amalga oshirdi. Breyklar bo'yicha ustunlik ham tabiiyki, g'olib tennischi tomonida bo'ldi - 4 ga 1. Endi Karlos keyingi bosqichda franciyalik Ugo Umber va amerikalik Markos Xiron o'rtasidagi uchrashuv g'olibiga qarshi kortga chiqadi.