Karlos Alkaraz "Rolan Garros" bosh sovrinini ko'zlayapti

Ispaniyalik tennischi to'rtinchi davrada ATP reytingida 13-o'rinni egallab turgan amerikalik Ben SHeltonni to'rt set natijasiga ko'ra qiyinchilik bilan mag'lubiyatga uchratdi - 7/6(8), 6/3, 4/6, 6/4. Karlos tennischilarning o'zaro uchinchi uchrashuvida ham zafar quchdi - 3:0. 

Uch soatu 19 daqiqa davom etgan bahsda Alkaraz 5, SHelton 6 ta eys zarbasini amalga oshirgan. Breyklar bo'yicha ustunlik Karlos tomonida bo'ldi - 3 ga 2. Alkaraz qatorasiga to'rtinchi yil ham Parij turnirida 1/4 finalga chiqdi. Endi u 1/4 finalda yana bir amerikalik Tommi Polga qarshi kortga chiqadi.