Kasatkina Rothesay International Open g'olibasi + FOTO

Rothesay International Open bosh sovrini Darya Kasatkinaga nasib etdi. Dunyoning 14-raketkasi bo'lib turgan rossiyalik tennischi final uchrashuvida WTA reytingida 30-o'rinni band etgan kanadalik Leyla Fernandesni 6/3, 6/4 hisobida mag'lubiyatga uchratdi. 

Dasha 2022 yildan keyin ilk bor WTA sovriniga ega chiqdi. Tennischilarning o'zaro uchinchi uchrashuvida ham Kasatkina g'alaba qozondi. Bir soatu 50 daqiqalik final bahsida ikkala tennischi ham bittadan eys zarbasini amalga oshirgan. Qo'shxatolar 5 ga 3, breyklar 5 ga 2 nisbatida Kasatkina foydasiga hal bo'ldi. 

Rothesay International Open turniridagi muvaffaqiyatli ishtirok Kasatkinaga 500 reyting ochkosi hamda 142,000 dollar mukofot puli keltirdi. Bu uning faoliyatidagi ettinchi WTA sovrini bo'ldi.