Kelesda kurash bo'yicha viloyat prokurori kubogi uchun musobaqa o'tkazildi + FOTO

Unda poytaxt viloyatining barcha shahar va tumanlaridan 400 nafarga yakin yosh kurashchilar g'oliblik uchun gilamga chiqishdi. Polvonlar jami 9 ta vazn toifasida bellashdilar.

Qizlar -30, -36, -44 kilogramm vaznda raqobat olib borishdi. O'g'il bolalar esa -30, -33, -36, -40, -44 va -48 kilogramm vaznda o'zaro kuch sinashdilar. Qizg'in va murosasiz bahslar ostida o'tgan musobaqada viloyat prokurori kubogi Angren shahar jamoasiga nasib edi.

Jamoaning iqtidorli kurashchilari Sanjar Qambaraliev, Asal Turg'unboeva, Kamol Qurbonov, Ahror Esonboev, Sohib Mamasolievlar o'z vazn toifalarida tengsiz ekanliklarini amalda isbotlab, viloyat prokurori Kubogini qo'lga kiritishda munosib hissa qo'shishdi. 

CHirchiq shahar kurashchilari ikkinchi, Zangiota tumani jamoasi esa uchunchi o'rinni band etdi. G'olib va sovrindor bo'lgan yosh polvonlar tashkilotchilar tomonidan munosib takdirlanishdi.

SHu tariqa, kurash bo'yicha Toshkent viloyati prokurori kubogi bellashuvlari Viloyat kurash federaciyasining 2021 yil taqvim rejasidagi barcha musobaqalarni yakunlab berdi.