"Kitob chellenj" akciyasi estafetasini belbog'li kurash federaciyasi rahbari davom ettirdi

Davlatimiz rahbari tashabbusi bilan yurtimizda kitobxonlikka qaratilayotgan etibor yoshlarimizda mutolaa madaniyatining yuksalishiga xizmat qilayotgani ahamiyatlidir. 

Prezidentimiz tomonidan ilgari surilgan ushbu xayrli tashabbus tufayli endilikda mamlakatimizda rahbar-xodimlar, ziyolilar, ishchi xodimlar o'zlari o'qigan umumiy o'rta talim maktablariga kitoblar sovg'a qilishmoqda. 

Xususan, kecha 20 may kuni O'zbekiston milliy belbog'li kurash federaciyasi raisi, belbog'li kurash bo'yicha UWW (Butun dunyo kurashlar olami)ning xalqaro toifadagi hakami Ravshan Dastirov CHirchiq shahar, Iqbol mahalla fuqarolar yig'ini hududidagi o'zi o'qigan 18-umumiy o'rta talim maktabi kutubxonasiga o'zbek milliy hamda jahon adabiyoti namoyondalarining sara asarlaridan iborat kitoblar jamlanmasini sovg'a qildi. 

SHuningdek, R.Dastirov bolaligida boshlang'ich sinf o'qituvchisi bo'lgan Sabohat opa Normetova bilan ham ko'rishib, minnatdorchilik sifatida tashakkurnoma va guldasta  hadya etdi.    

- Biz maktabimizda bilim olib, keyinchalik jamiyatimizda, el orasida nafi tegadigan, elda ezoz topgan bitiruvchilarimiz bilan faxrlanamiz, - deydi maktab boshlang'ich sinf o'qituvchisi S.Normetova. - Maktabimiz kutubxonasiga jismoniy tarbiya va sportni, jumladan milliy sport turlarimizdan bo'lgan belbog'li kurashni mamlakatimizda ommalashtirib, jahonga keng quloch yozishida alohida hissa qo'shib kelayotgan, mening boshlang'ich sinfdagi eng faol alochi o'quvchim bo'lgan Ravshanjon Dastirovning bunday xayrli ishlaridan judayam mamnun bo'ldik. SHu maktabda o'qib, talim olib, elda obro' topgan o'quvchimning sara adabiyotlar sovg'a qilishi o'quvchilarimizning kitobga yanada mehr qo'yishi va shu orqali  tasavvur olami, dunyo qarashi kengayib, manaviyati shakllanishiga xizmat qiladi.

Ilhom RAHMONOV tayyorladi