Kiz - Strasburg turniri chempioni!

Hal qiluvchi final uchrashuvida amerikalik tennischilar o'zaro bosh sovrin uchun kortga chiqishdi. Etmish to'rt daqiqa davom etgan finalda WTA reytingida 16-o'rinni egallab turgan Medison Kiz dunyoning 12-raketkasi bo'lib turgan vatandoshi Daniel Kollinzni ortiqcha qiyinchiliksiz mag'lubiyatga uchratdi - 6/2, 6/1.

Medison tennischilarning o'zaro uchrashuvida hisobda oldinga chiqib oldi - 2:1. Kiz bahs davomida 1, Kollinz 3 ta eys zarbani amalga oshirgan. Qo'shxatolar Danielda ko'proq bo'ldi - 5 ga 3. Breyklar bo'yicha mutlaq ustunlik chempion tomonda - 6 ga 1! 

Internationaux de Strasbourg turniridagi muvaffaqiyatli ishtirok Kizga 500 reyting ochkosi hamda 123,480 evro mukofot puli keltirdi. Bu 29 yoshli Medison uchun faoliyatidagi sakkizinchi sovrin bo'ldi.