Kolbi Kovington o'rta vaznga o'tmoqda

"Men o'zimni yangi vazn toifasida sinab ko'rmoqchi edim va ehtimol, navbatdagi jangimda meni o'rta vaznda ko'rasiz - bu divizionda shov-shuvli janglar ko'proq. Yarim o'rta divizion holdan toydi, endi u erda yulduzlar yo'q. Yarim o'rta vazn toifasida ko'rish mumkin bo'lgan yagona yulduzlar - agar ular o'z boshlariga qattiq zarba berishsa. Ha, men uchun keyingi qadam o'rta vazn deb o'ylayman. Menga katta janglar kerak - notanish yangilar bilan jang qilishni xohlamayman. Men katta janglar o'tkazishni va katta biznes qilishni istayman", - dedi amerikalik The Schmo nashriga bergan intervyusida.

SHu bilan birga, u Oq uydagi UFC turnirida unga oktagonni bo'lishishni taklif qilgan Bo Nikalga qarshi jangga qiziqish bildirmayapti.

"Bo Nikal - zaif! U men ketkazgan vaqtimga arzimaydi. U Yoel Romeroga qarshi birinchi jangdayoq raqibi ozgina ko'proq vaznga ega bo'lgani uchun ringga chiqmagan va jangdan qochgan. Men uchun juda ko'p katta ismlar bor. Ehtimol, sobiq chempion Robert Uittakerdir. Balki SHon Striklend kelgusi jangini qanday o'tkazishini ko'rarmiz. SHubhasiz, o'rta vaznda yarim o'rta divizionga qaraganda qiziqarli janglar ancha ko'p. Yarim o'rta vazn - bu mening vaqtimga arzimaydigan no-neymlar to'plami", - deya qarorini tushuntirdi Kovington.