Konor Makgregor: "Qasos olishni istayman va bunga erishaman"

Irlandiyalik buning uchun hisob-kitob qilmoqchi bo'lgan raqibini ham ayblaydi.

"Sizga shuni aytamanki, jangni to'xtatishni men so'ramaganman. Uni to'xtatishni men talab qilganim yo'q. Men sen bilan mushtlashyapman, sen esa hakamga qarab: "Hakam! Jangni to'xtat! Jangni kim to'xtatadi o'zi? To'xtatma! Jangni tugat! Sen jangni to'xtatishni so'rayapsan. Jang endigina boshlandi.

Lekin hammasi joyida. Biz o'z ishimizni bajaramiz, o'z yo'limizda davom etamiz va qasos olamiz. Men qasos olishni istayman. Bu meni harakatga keltiradi. Menda bu yo'l bor. Mening oldimda shu vazifa turibdi. Men sport tarixidagi eng buyuk qaytishni amalga oshirmoqchiman", - dedi irlandiyalik jangchi MAC Energy’ga bergan intervyusida.

Operaciyadan so'ng tiklanayotgan ikki vaznda sobiq UFC chempioni kelasi yozda Las-Vegasda o'tkaziladigan har yilgi Xalqaro janglar haftaligida amerikalikdan revansh olish niyatida ekanligini tasdiqladi.

"Men allaqachon jadvaldan o'zib ketyapman. Oyoqdagi shish pasaydi. Ikki-uch haftadan beri qo'ltiqtayoq ishlatmayman. Men bunday jarohatni taxminan o'n yil oldin olganman va zamonaviy tibbiyot taraqqiyoti hamda mashg'ulot usullarining rivojlanishi tufayli mening tiklanishim tezroq kechishi kerak. O'tgan safar men to'qqiz oyda tuzalib, musobaqalarga qaytgan edim. SHunday ekan, to'qqiz-o'n ikki oy – mutlaqo etarli muddat, – deya xulosa qildi Makgregor.