Koreyada XVIII IKA Kongressi bo'lib o'tdi, rahbar yana to'rt yilga o'z joyida qoldi

Ushbu tadbir associaciyaning hisobot-saylov konferenciyasi vazifasini ham o'tab berdi. SHuningdek, o'zbek milliy kurashining obro'sini jahonga yanada tanitish masalasiga ham alohida etibor qaratildi. 

Yig'ilishda Kongress azolari IKA prezidenti, tashkilot vice-prezidentlari, milliy federaciyalar vakillari hamda Ijroqo'm azolarining bir yil davomida amalga oshirilgan ishlar yuzasidan hisobotlarini tinglashdi. 

SHundan so'ng yangi to'rt yillik muddatga Ijroqo'm azolari hamda qolgan lavozimlarga saylov jarayoni o'tkazildi. Kongress ishtirokchilari bir ovozdan Xalqaro Kurash Associaciyasining amaldagi prezidenti, quvaytlik Haydar Farmonni yangi to'rt yillik muddatga saylashdi. 

SHuningdek, IKA birinchi vice-prezidenti Jagdish Tatler (Hindiston), Bosh kotib Umid Yakubov (O'zbekiston), sport va dunyo masalalari bo'yicha direktor Yusuf Yildirim (Turkiya), sportda tenglik va adolat masalasi bo'yicha direktor Olga Machugina (Ukraina), texnik direktor Rizo Nossiri (Eron) ham yangi muddatga qayta saylanishdi. Nomlari keltirilganlardan tashqari yana to'rtta qita konfederaciyalarining prezidentlari ham IKA Ijroqo'miga kiritildi. 

Kongress azolari Associaciyaning Nizomiga o'zgartirish ham kiritishdi. Unga ko'ra, Ijroqo'mdan ikkita IKA rahbari lavozimlari olib tashlandi. Associaciya boshqaruvda xalqaro standartlar hamda Olimpiya xartiyasiga to'liq javob berish va shaffof bo'lish uchun ham ushbu o'zgarishni amalga oshirdi.   

Bundan tashqari Kongress azolari Xalqaro Kurash Associaciyasining doimiy Komissiya (qo'mita) raislarini ham yangi to'rt yillik muddatga tasdiqlashdi:

- Vey Jizong (Xitoy) – Etika va tartib-intizom masalalari qo'mitasi

- Xeon Bik Bai (Janubiy Koreya) – sport masalalari qo'mitasi

- Ravi Kapur (Hindiston) – Hakamlik qo'mitasi

- Fransis Yafali (Kongo Demokratik Respublikasi) – xalqaro munosabatlar qo'mitasi

- Vittorio Jorji (Italiya) – huquq qo'mitasi

- Pol Soyer (Buyuk Britaniya) – sportchilar masalasi qo'mitasi

- SHamsi Saidova (Tojikiston) – sportchi ayollar masalalari qo'mitasi

- Kurosh Xosriyar (Eron) – statistika qo'mitasi

- Ju Xi Park (Janubiy Koreya) – tibbiyot va antidoping qo'mitasi