Kovalyov - Alvares jangi chiptalari UFC 244 turniri chiptalaridan 1,5 barobar qimmatga sotildi

Oqshomning markaziy jangi Xorxe Masvidal hamda Neyt Dias o'rtasida o'tkaziladi. UFC 244 shousi bu yil hisobidan o'tkazilgan turnirlarning erkin savdoga chiqarilgan chiptalari narxi bo'yicha ikkinchi natijani qayd etdi. 

Masvidal - Dias jangini tomosha qilish uchun eng arzon chiptaning narxi 266, o'rtacha bahosi esa 439 dollar etib belgilangandi. UFC 239 turniri chiptalarining o'rtacha narxi esa 547 dollar bo'lgan edi. UFC 239 turnirida ikkita - Jon Jons hamda Amanda Nunes ishtirokidagi chempionlik janglari o'tkazilgandi. O'sha turnir doirasidagi jangda Masvidal Ben Askrenni 5-soniyadayoq nokautga uchratib, UFC rekordini yangilagan edi.

Taqqoslash uchun, 2 noyabr oqshomida AQSHning Nevada shtati Las-Vegas shahrida professional boks kechasi tashkil etiladi. Oqshomning markaziy jangida Sergey Kovalyov va Saul Alvares o'zaro to'qnash kelishadi. Ushbu boks kechasiga kirish uchun 293 dollar to'lash kifoya qiladi, yani eng arzon chiptaning bahosi shunday. CHiptalarning o'rtacha narxi esa $688! Bu UFC 244 turnirining o'rtacha narxidan bir yarimga ko'mak demakdir.

Malumot uchun, UFC prezidenti Dana Uayt UFC 244 turnirining markaziy jangi g'olibiga maxsus - BMF chempionlik kamari tayyorlab qo'yilganini aytgandi. Ushbu kamarni Masvidal - Dias jangi g'olibiga Gollivud aktyori Dueyn "Skala" Jonson topshiradi.