Kurash bo'yicha Osiyo chempionatida qochoqlar jamoasi ham ishtirok etadi

Ushbu qita chempionatida 20 ta davlatdan 250 nafarga yaqin eng sara polvonlar ishtirok etishi  kutilmoqda. Ahamiyatli jihati, o'n uchinchi bor o'tkazilayotgan kattalar o'rtasidagi Osiyo chempionatida ilk bor qochoqlar jamoasi ham ishtirok etadi. 

SHu o'rinda takidlash joiz, qochoqlar bu - ijtimoiy, siyosiy yoki boshqa jiddiy sabablarga ko'ra, o'z vatanidan chiqib ketgan insonlar sifatida tushuniladi. Ularda asosiy vatanlari nomidan xalqaro sport musobaqalarida ishtirok etish imkoniyati mavjud emasligi sababli, Xalqaro Olimpiya qo'mitasi tomonidan qochoqlar jamoasi sifatida ishtirok etishi taminlab kelinmoqda.

Kurash bo'yicha xalqaro musobaqalar tarixida ham bu ilk bor yuz bermoqda. Qochoqlar jamoalari to'g'risidagi qaror 2023 yil Ashxabodda bo'lib o'tgan IKA Kongressi va 2024 yil Dubay shahrida o'tkazilgan IKA Boshqaruv qo'mitasi yig'ilishlarida muhokama qilingan va tegishli normativlar qabul qilingan.

Endilikda qochoqlar jamoasi Xalqaro Kurash associaciyasi taqvimidagi barcha musobaqalarda ishtirok etishi mumkin. Bunda jins toifasidan tashqari irqi, millati va ijtimoiy kelib chiqishlari hisobga olinmaydi. Jamoa Xalqaro Kurash associaciyasi tomonidan koordinaciya qilinadi.

Xalqaro Olimpiya qo'mitasi standartlari asosida jamoaning bayrog'i va madhiyasi sifatida Xalqaro Kurash associaciyasining bayroq va madhiyasidan foydalaniladi. Tehron gilamlarida qochoqlar jamoasi safida 5 nafar ayol kurashchi medallar uchun bahslarga kirishadi.