Kurash bo'yicha XV Jahon chempionati sanasi qayta ko'rib chiqiladi. Mezbonlik uchun ikki davogar bor!

Videokonferenc-aloqa shaklida tashkil etilgan mazkur yig'ilishga IKA Prezidenti Haydar Farman raislik qildi. Unda Eron Islom Respublikasida yuzaga kelgan mavjud siyosiy notinch vaziyat inobatga olinib, musobaqa ishtirokchilarining xavfsizligini taminlash masalasi ustuvor yo'nalish sifatida muhokama qilindi. 

SHu munosabat bilan Jahon chempionatini belgilangan muddatdan keyinga qoldirish yoki boshqa mezbon davlatga ko'chirish variantlari Boshqaruv qo'mitasi azolari tomonidan atroflicha ko'rib chiqildi. Ayni paytga kelib, 35 dan ortiq davlatdan 300 nafarga yaqin sportchi va rasmiylar “IKA Registration System” orqali XV Jahon chempionatida ishtirok etish uchun rasman ro'yxatdan o'tgan.

Yuzaga kelgan vaziyat, shuningdek, Eron Kurash federaciyasining chempionatni yuqori saviyada tashkil etish borasidagi katta tajribasi va tayyorgarligi inobatga olinib, Boshqaruv qo'mitasi tomonidan yana 10 kunlik kuzatuv muddati belgilashga qaror qilindi. Agar mazkur muddat ichida mamlakatdagi siyosiy vaziyat barqarorlashmasa, Kurash bo'yicha XV Jahon chempionati mart-aprel oylarida boshqa davlatda o'tkaziladi.

Malum qilinishicha, hozirgi kunda Xalqaro Kurash associaciyasiga XV Jahon chempionatiga mezbonlik qilish istagi bilan O'zbekiston va Misr Kurash federaciyalaridan rasmiy takliflar kelib tushgan.

Belgilangan 10 kunlik muddat yakunlariga ko'ra, Jahon chempionatining aniq sanasi va mezbon davlati bo'yicha yakuniy qaror qabul qilinib, jamoatchilikka elon qilinadi.