Kurash bo'yicha XV Jahon chempionatining yangi mezboni elon qilindi

Biroq mamlakatda yuzaga kelgan siyosiy vaziyat sabab musobaqa qoldirildi. Endi mazkur nufuzli chempionatga Qozog'iston Respublikasining poytaxti Ostona shahri mezbonlik qiladi.

Kecha Qozog'iston Respublikasi Turizm va sport vazirligida mazkur nufuzli musobaqani yuqori saviyada tashkil etish masalalariga bag'ishlangan uchrashuv bo'lib o'tdi. Unda Qozog'iston Respublikasi Turizm va sport vaziri Erbol Mirzabosinov, Xalqaro Kurash associaciyasi Vice-prezidenti Ziyoviddin Xojiniyazov, IKA Administraciyasi rahbari Mansur Mirzaev hamda Qozog'iston Kurash federaciyasi prezidenti Andrey Borgenc ishtirok etdi.

Uchrashuv davomida vazir Erbol Mirzabosinov Kurash bugungi kunda jahon miqyosida jadal rivojlanayotgan zamonaviy sport turlaridan biriga aylanganini takidlab, Qozog'iston ushbu chempionatni eng yuqori darajada o'tkazish uchun barcha imkoniyat va infratuzilmaga ega ekanini qayd etdi.

O'z navbatida, Xalqaro Kurash associaciyasi Vice-prezidenti Ziyoviddin Xodjiniyazov Qozog'iston sportchilari xalqaro maydonlarda yuqori natijalarga erishayotganini alohida etirof etib, bu mamlakatda sport sohasida olib borilayotgan tizimli va izchil islohotlar samarasi ekanini takidladi.

Kurash bo'yicha kattalar o'rtasidagi XV Jahon chempionati joriy yil iyun oyi oxirida Ostona shahrida bo'lib o'tadi. Musobaqani yuqori saviyada tashkil etish maqsadida tegishli tashkiliy qo'mita tuzilib, tayyorgarlik ishlari boshlab yuborildi.