Kurash federaciyasi O'zDJTSU bilan Memorandum imzoladi + FOTO

Tadbirda O'zbekiston Kurash federaciyasi raisining birinchi o'rinbosari Komiljon Yusupov, universitet rektori, professor Mahmudjon Boltabaev, Jismoniy tarbiya va sport ilmiy tadqiqotlar instituti direktori Rashid Matkarimov va professor-o'qituvchilar ishtirok etdi.

Ushbu memorandum mamlakatimizda milliy kurash sport turini yanada rivojlantirish, yuqori mahoratli sportchilar va kadrlar tayyorlash tizimini takomillashtirish, shuningdek, bevosita milliy terma jamoalar bilan ishlash, kurash bo'yicha professional trenerlar, hakamlar tayyorlash, o'quv-uslubiy qo'llanmalar ishlab chiqish, kurashning ilmiy-metodologik bazasini kuchaytirish, o'quv-mashg'ulotlarni ilmiy asosda tashkil qilish va trenerlar malakasini oshirish, O'zbekiston davlat jismoniy tarbiya va sport universitetining kurash ixtisosligi talabalarini istiqbolda yuqori malakali kadr etib tayyorlash, iqtidorli talabalar va professor-o'qituvchilarni dolzarb muammolar echimiga yo'naltirilgan mavzular asosida ilmiy tadqiqotlar o'tkazishda federaciya bilan hamkorlik qilish maqsadida tuzildi.

Memorandum O'zbekiston Kurash federaciyasi raisining birinchi o'rinbosari Komiljon Yusupov hamda universitet rektori, professor Mahmudjon Boltabaevlar tomonidan imzolandi.

O'tkazilgan tadbir chog'ida O'zbekiston Kurash federaciyasi raisining birinchi o'rinbosari Komiljon Yusupov hamda universitet rektori, professor Mahmudjon Boltabaev O'zbekiston Respublikasi Prezidentining 2017 yil 2 oktyabrdagi “Kurash milliy sport turini yanada rivojlantirish chora-tadbirlari to'g'risida”gi, 2020 yil 4 noyabrdagi “Kurash milliy sport turini rivojlantirish va uning xalqaro nufuzini yanada oshirish chora-tadbirlari to'g'risida”gi hamda 2020 yil 3 noyabrdagi “Jismoniy tarbiya va sport sohasida kadrlar tayyorlash tizimini takomillashtirish va ilmiy salohiyatni oshirish chora-tadbirlari to'g'risida”gi qarorlarining imzolanishi milliy sportimiz bo'lgan kurashning rivojida yangi davrni boshlab berganini alohida etirof etishdi.

SHuningdek, mazkur tadbirda tashkiliy masalalarga ham etibor qaratildi. Xususan, kun tartibidan O'zbekiston Kurash federaciyasiga vice-prezident saylash masalasi ham ko'rib chiqildi. 

Unga ko'ra, O'zbekiston davlat jismoniy tarbiya va sport universiteti rektori, professor Boltabaev Mahmudjon Rustamovich O'zbekiston Kurash federaciyasi vice-prezidenti lavozimiga saylandi. 

O'z navbatida rektor Mahmudjon Boltabaev O'zbekiston Kurash federaciyasi raisining birinchi o'rinbosari Komiljon Yusupovni universitetning Milliy sport turlari, o'yinlari nazariyasi va uslubiyati kafedrasiga professor lavozimiga ishga taklif etdi.

O'zDJTSU axborot xizmati