Kurashchilar “Prokuror kubogi”da bellashishdi

Jumladan, 2018 yil Indoneziyada bo'lib o'tgan XVIII yozgi Osiyo o'yinlari dasturidan joy olgani uning bugungi kundagi nufuzidan dalolat bermoqda. Tarixi ming yillarga borib taqaladigan kurashimizni yurtimizda yanada ommalashtirish bo'yicha bir qator musobaqalar tashkil qilinmoqda. 

Poytaxtimizdagi “Universal” sport majmuasida bo'lib o'tgan “Prokuror kubogi” musobaqasi ham ana shu turnirlardan biridir. Musobaqaning tantanali ochilish marosimida O'zbekiston Respublikasi Prezidenti maslahatchisi Abdujabbor Abduvohidov, O'zbekiston Respublikasi Bosh prokurori Nig'matilla Yo'ldoshev, Jismoniy tarbiya va sport vaziri Dilmurod Nabiev, MOQ raisi Rustam SHoabdurahmonov va boshqa martabali mehmonlar ishtirok etishdi. 

Musobaqaning tantanali ochilish marosimida so'zga chiqqan rasmiylar yurtboshimiz tomonidan sportni, shu jumladan, milliy kurashimizni rivojlantirishga qaratilayotgan etibor xususida alohida to'xtalib o'tishdi. 

SHubhasiz, barchamiz kurashimizning dovrug'i yanada oshishi va uning Olimpiya o'yinlari oilasidan joy olishini istaymiz. Marosimda rasmiylar bu kabi istiqbolli rejalar bo'yicha qator dasturlar ishlab chiqilayotgan haqida alohida to'xtalib o'tishdi. Tadbir davomida 2020 yil laureatlari taqdirlandi. Unga ko'ra, o'tgan yilning eng yaxshi kurashchisi nomiga Muhsin Hisomiddinov sazovor bo'ldi.

Tantanali ochilish marosimdan so'ng bellashuvlarga start berildi. Musobaqada yurtimizning turli chekkalaridan kelgan iqtidorli polvonlar o'z mahoratlarini namoyish qilishdi. Musobaqa yakunida g'olib va sovrindorlar tashkilotchilarning qimmatbaho esdalik sovg'alari va medallarini qabul qilib oldilar. 

Taqdirlash marosimi yakunida MOQ raisi O'zbekiston kurash federaciyasiga Qo'mitaning esdalik sovg'asini taqdim qildi. SHuningdek, marosimda MOQ Bosh kotibi Oybek Kasimov va MOQ raisi o'rinbosari SHerzod Tashmatov ham sportchilarni taqdirlashdi.