23 apr 09:09
Yangiliklar

Tennis

Laureus. Novak Jokovich yil sportchisi deb topildi

"Katta Dubulg'a" turnirlarining 24 karra g'olibi Novak Jokovich yana bir bor nufuzli Laureus sovrinini qo'lga kiritdi.

Serbiyalik tennischi Laureus World Sports Awards tomonidan yilning eng yaxshi erkak sportchisi deb topildi. Ushbu mukofot 2023 yilda yaxshi natija qayd etgan sportchilar hamda jamoalarga taqdim etiladi.

Dunyoning birinchi raketkasi ushbu nominaciyada futbolchilar Lionel Messi, Erling Xoland, "Formula 1" poygachisi Maks Ferstappen, engil atletikachilar Noa Layls hamda Arman Dyuplantisni ortda qoldirishga muvaffaq bo'ldi.

Eslatib o'tamiz, Novak Jokovich 2012, 2015, 2016 va 2019 yillarda ham ushbu sovrinni qo'lga kiritgan edi. Rojer Federer 6 karra Laureus sohibi bo'lgan, aynan shveycariyalik ushbu sovrinni eng ko'p qo'lga kiritgan sportchi hisoblanadi.