Lazizbek Mullojonov to'liq prof boksga o'tdimi? Bunga uning o'zi javob berdi

– Olimpiada tugaganiga 3 oydan o'tdi. Bazilar terma jamoa tarkibidagi mashg'ulotlarni allaqachon boshlab yubordi. Siz qachon yig'inlarga qo'shilasiz?

– Qisqa muddatli tatildan so'ng terma jamoa yig'iniga qaytaman. Hozirda jamoamiz Osiyo chempionatiga tayyorgarlik ko'ryapti. Ushbu musobaqadan so'ng terma jamoa yig'inlariga qo'shilaman.

– Olimpiada chempionligidan keyin professional boksga to'liq o'tish fikri uyg'onmadimi? O'zi xalqaro promouterlik kompaniyalardan jiddiyroq taklif tushdimi?

– Parijdagi g'alabamdan so'ng professional boksga butkul o'tish fikri uyg'onmadi. Ikkisini birdek olib bormoqchiman. Maqsadim Vatanim uchun ikkinchi marotaba Olimpiya o'yinlarida g'olib bo'lish.

– Toshkentda o'tgan jahon chempionati va Xanchjoudagi Osiyo o'yinlarida ancha qiziqqon, emociyalarga ko'p beriluvchi Mullojonovni ko'rgandik. Biroq Parij Olimpiadasida buning aksiga guvoh bo'ldik. Qisqa vaqt ichida nima sizni bunchalik o'zgartira oldi?

– Jahon chempionatida 3-o'rinni qo'lga kiritganim va Osiyo o'yinlarida chorak finalda yutqazganimdan keyin hissiyotlarni jilovlab oldim. CHunki, ular bazi paytda sportchiga qarshi ishlashi mumkin. SHuning uchun bor etiborni Olimpiada licenziyasiga va undagi janglarga qaratdim. Maqsadim oltin medal edi va unga erishdim.