Libema Open. Dunyoning 5-raketkasi bosh sovrinni ko'zlayapti

Sayyoramizning beshinchi raketkasi Jessika Pegula Libema Open turnirining ilk davrasida raqibasiga to'rtta geym berdi, xolos. Amerikalik tennis malikasi WTA reytingida 98-pog'onada borayotgan belaruslik Aleksandra Sosnovichni ortiqcha qiyinchiliksiz taslim etdi - 6/2, 6/2.

Tennischilarnnig o'zaro uchrashuvlaridagi hisob 3:0 ko'rinishiga keldi. Bir daqiqasi kam bir soat davom etgan bahsda Pegula eys zarbasini amalga oshira olmadi. Sosnovich esa bir bor eys ijro etdi. Breyklar bo'yicha ustunlik 5 ga 1 ko'rinishida Jessika foydasiga bo'ldi. Endi u serbiyalik Aleksandra Krunichga qarshi kortga chiqadi.