Linda Noskova ilk sovrinini qo'lga kiritdi

Dunyoning 35-raketkasi bo'lib kelgan Linda Noskova bosh sovrin uchun kechgan final uchrashuvida WTA reytingining 57-pog'onasidan joy olgan Yangi Zelandiya vakilasi Lulu Sanni qiyinchilik bilan mag'lubiyatga uchratdi - 7/6(6), 6/4. Bu bilan Linda tennischilarning o'zaro uchrashuvlaridagi hisob muvozanatini ham tiklab qo'ydi. 

Bir soatu 51 daqiqa davom etgan bahsda Noskova 4, San 13 ta eys zarbani amalga oshirgan. Qo'shxatolar Luluda ko'proq bo'ldi - 5 ga 3. Breyklar bo'yicha ustunlik esa 2 ga 1 ko'rinishida chempion foydasiga hal bo'ldi. 

Noskova faoliyatidagi ilk sovringa Meksikada ega chiqdi. Monterreydagi muvaffaqiyatli ishtirok unga 500 reyting ochkosi hamda 142,000 dollar mukofot puli keltirdi. U yangilangan reytingda 25-o'ringa ko'tarilib oldi. San esa 325 ochko hamda 87,655 dollar ishlab oldi. Lulu Top-50`da debyut qiladi.