17 dek 11:00
Yangiliklar

Boks/MMA

LIVE. Final janglarini Hasanboy Do'smatov boshlab berdi FOTO

Xabar berganimizdek, ayni daqiqalarda Samarqand shahrida boks bo'yicha kattalar o'rtasidagi O'zbekiston chempionatining hal qiluvchi final janglari bo'lib o'tmoqda.

Mamlakat chempionati 8 vazn toifasida o'tkazilayotgan bo'lib, oltin medal uchun 16 nafar bokschi ringga ko'tariladi. Birinchi final jangi -52 kg vazn toifasida o'tkazildi.

Unda Rio Olimpiadasi chempioni Hasanboy Do'smatov Toshkent viloyati vakili Xudoynazar Fayzovga qarshi ringga ko'tarildi. Murosasiz kechgan jangda Hasanboy raqibini 5:0 hisobida mag'lub etib, O'zbekiston chempioniga aylandi.

Ushbu vazn toifasining yarim finalida mag'lub bo'lgan Nodirjon Mirzaahmedov va Abrorjon Qodirov bronza medaliga sazovor bo'lishdi. Bu Hasanboy uchun yangi vazn hisoblanadi. Avval u -49 kg vazn toifasida ringga chiqar edi. AIBA tomonidan bu vazn olib tashlandi.