Londondagi Bellator turnirining markaziy jangi tasdiqlandi + POSTER

Bellator promousheni rahbarlari 14 sentyabr kuni Buyuk Britaniyaning London shahrida o'tkaziladigan turnirning markaziy jangini tasdiqlashdi. Unda o'rta vazn toifasida amaldagi Bellator chempioni Jonni Eblin kamar uchun sobiq davogar Fabian Edvardsga qarshi oktagonga chiqadi. 

AQSH va britaniyalik aralash yakkakurash ustalari o'rtasidagi ushbu chempionlik jangi revansh maqomida bo'ladi. O'tgan yilning sentyabr oyida Edvards Eblindan chempionlik kamarini tortib olishga urinib ko'rgandi. Dublin shahrida o'tgan Bellator 299 turniri doirasidagi o'sha jangda Jonni raqibini uchinchi raundda nokautga uchratgan edi. 

O'shandan keyin Bellator chempioni yana bir g'alabani qo'lga kiritdi. U Ar-Riyodda o'tgan ikki liganing qo'shma turrnirida PFL chempioni Impa Kasanganayani hakamlarning ayri qarori evaziga mag'lub etgandi. Britaniyalik jangchi esa Belfastda o'tgan oqshomda Aaron Jeffridan ochkolar hisobiga ko'ra ustun keldi. 

Malumot uchun, Fabian Edvards yarimo'rta vaznda amaldagi UFC chempioni Leon Edvardsning kichik ukasi hisoblanadi. Leon ukasining barcha janglarida sekundant vazifasini bajarib keladi.