30 okt 16:03
Yangiliklar

Boks/MMA

UFC Fight Night 293 turnirining asosiy jangi elon qilindi

7 noyabr kuniga belgilangan UFC Fight Night 293 turnirining asosiy jangi bekor qilinganidan bir kun o'tib, Las-Vegasdagi tadbirning yangi asosiy voqeasi aniqlandi.

Unda Valdo Kortes-Akosta va Jonni Uoker o'rtasidagi og'ir vazn toifasidagi jang bo'lib o'tadi. Bu o'zgarish haqida vaziyatga yaqin manbalar xabar berdi.

Malum bo'lishicha, turnirning xedlayneri SHon Bredi jarohat olib, Gabriel Bonfimga qarshi jangdan chiqib ketgan. Braziliyalik sportchi ham tadbir ishtirokchilari ro'yxatidan chiqarildi va unga yangi raqib tayinlanadi. Hozircha og'ir vazn jangi uch raund yoki besh raunddan iborat bo'lishi nomalum.

Dominikanlik Valdo Kortes-Akosta ikkita mag'lubiyatdan iborat seriyada davom etmoqda, u Aleksandr Volkov va Kyortis Bleydslarga hakamlarning yakdil qarori bilan imkoniyatni boy bergan. Braziliyalik Jonni Uoker esa oy boshida og'ir vazn divizionida muvaffaqiyatli debyut qilib, Mika Parkinni birinchi raunddayoq nokautga uchratgan.

Ayni paytda Valdo Kortes-Akosta va Jonni Uoker UFC og'ir vazn toifasidagi meta-reytingda tegishli ravishda sakkizinchi va o'n birinchi o'rinlarni egallab turishibdi.