Los-Anjeles-2028: O'zbekiston basketbol federaciyasining tayyorgarlik rejalari o'rganildi

Otabek Umarov boshchiligidagi MOQ rahbariyati kecha O'zbekiston basketbol federaciyasining yangi Olimpiya sikli uchun taqdimoti bilan tanishdi.

Toshkent davlat transport universitetida o'tgan yig'ilishda O'zbekiston Respublikasi Prezidenti Administraciyasi departamenti rahbari Odil Abduraxmanov, Transport vaziri, mamlakat basketbol federaciyasi raisi Ilhom Mahkamov ham qatnashdi. 

Qayd etish joiz, Olimpiya o'yinlari dasturiga ushbu sport turining klassik va 3x3 yo'nalishlari kiritilgan.

Suhbat davomida har ikki yo'nalishdagi terma jamoalarimizning imkoniyatlari va tarkibdagi sportchilar haqida so'z bordi. Federaciya mutasaddilari 3x3 jamoalarimiz bugungi kunda qita miqyosida raqobatbardosh ekanini inobatga olgan holda mazkur dasturdagi imkoniyatlarni yaxshiroq baholashdi. SHu bois ushbu jamoaga jalb etilgan belaruslik murabbiy Andrey Navoychik bilan ham suhbatlashildi.

Mutasaddilar uchrashuvda xorijlik murabbiyga terma jamoa uchun barcha sharoitlar yaratib berilishi, mahalliy va xorijiy o'quv-mashg'ulot yig'inlari tashkil etilishini malum qilishdi.