Madrid Open. Nadal 16 yoshli tennischiga bittagina geym berdi

Uzoq muddatli tanaffusdan so'ng tennis afsoonasi Rafael Nadal aynan o'z vatanidagi "Masters"da yana kortga qaytdi. U ilk davra  uchrashuvida amerikalik 16 yoshli Darvin Blanchga qarshi bahs olib borib, o'zidan 21 yoshga kichik raqibiga imkoniyat qoldirmadi - 6/1, 6/0. 

Taqqoslash uchun, Rafael Nadal ayni paytda ATP reytingida 512, Blancha esa 1028-o'rinni egallab turibdi. Bu ikki avlod tennischilarining o'zaro o'tkazgan ilk uchrashuvi edi. Oltmish besh daqiqa davom etgan bahsda ikkala tennischi ham ikkitadan eys zarbasini amalga oshirgan. Nadal 5 ta breyk evaziga engil g'alabani tantana qildi. 

Endi Rafa Mutua Madrid Open turnirining ikkinchi bosqichida avstraliyalik Aleks De Minaurga qarshi kortga chiqadi. Qizig'i, Nadal o'tgan hafta Barselona turnirida aynan Minaurga yutqazib qo'ygandi.