26 sen 11:13
Yangiliklar

Boks/MMA

Mahmud Muradov ilk bor UFC libosida ko'rinish berdi FOTO

Xabar berganimizdek, mashhur MMAchimiz Mahmud Muradov 28 sentyabr kuni UFC promoushenida debyut qiladi.

Jang o'tkaziluvchi Kopengagen shahriga etib borgan hamyurtimiz kecha maxsus fotosessiyada ishtirok etdi. Daniya poytaxtida o'tgan tadbirda Muradov ilk bor UFC libosida ko'rinish berdi.

Eslatib o'tamiz, Mahmud Muradov "Royal Arena"da o'tadigan UFC Fight Night 160 oqshomida italiyalik Alessio Di Kirikoga qarshi oktagonga chiqadi. 12 dekabr kuni 30 yoshga to'ladigan Alessio faoliyati davomida 15 ta jang o'tkazgan. Hisobida 12 ta g'alaba va 3 ta mag'lubiyat bor. Beshta jangda raqiblarini muddatidan avval mag'lub etgan.