23 jan 11:17
Yangiliklar

Boks/MMA

Mahmud Muradov UFC bilan muzokara olib boryapti

Aralash qoidalar bo'yicha mashhur sportchimiz Mahmud Muradov shu yilning o'zida UFCda debyut qilishi mumkin.

Bir necha yildan beri faoliyatini CHexiyaning Praga shahrida davom ettirayotgan hamyurtimiz eng nufuzli hisoblangan - UFC yo'nalishiga o'tishga yaqin turibdi. Muradov XFN yo'nalishi bo'yicha jahon chempioni hisoblanadi.

Hozirda u AQSHda bo'lib turibdi va xatto afsonaviy Floyd Meyvezer bilan uchrashishga muvaffaq bo'ldi. Mahmud Muradov Meyvezerga tegishli Mayweather Promotions promouterlik kompaniyasi bilan shartnoma imzolagan edi.

"Yana 2 yoki 3ta jang o'tkazganimdan keyin UFCga o'taman. Meni boshqa yo'nalish kompaniyalari qiziqtirmaydi. Faqat - UFC! Ayni payda bu borada muzokara olib boryapmiz. Tez orada yangilik bo'lib qoladi", - deya muxlislar bilan ijtimoiy tarmoq sahifasidagi muloqotda fikr qoldirgan Muradov.