28 sen 22:55
Yangiliklar
![](/upload/storage/88503_220.jpg)
Mahmud Muradov UFCdagi faoliyatini g'alaba bilan boshladi
Ushbu jangda hamyurtimizga italiyalik Alessio Di CHiriko raqiblik qildi. Hamyurtimiz dastlabki ikki raundda yaxshi harakat qildi va o'zi uchun muhim ochkolarni ishlab oldi. Uchinchi raundda esa tashabbus italiyalik sportchi tomonga o'tdi. Mahmud bu erda charchab qoldi. Ammo, u dastlabki raundlarda ishlagan ochkolari evaziga yakunda bir ovozdan 29:28, 29:28, 29:28 hisoblarida g'alaba qozondi va UFCdagi faoliyatini g'alaba bilan boshladi.
Olamsport.com saytida jangdan matnli translyaciya olib borildi.
22:52. G'ALABA!!! Hakamlar bir ovozdan Mahmud Muradovning 29:28 hisobida g'alaba qozonganini qayd etishdi.
22:51. Jang yakunlandi! Natijani kutamiz!
22:50. Uchinchi raundda italiyalik sportchi ustunlik qilmoqda. Mahmud charchab qoldi. Yana ozgina chidash kerak!!!
22:46. Ikkinchi raundda Muradov faollik ko'rsatdi. Barchasi joyida. Endi hal qiluvchi raundni ko'ramiz.
22:42. Sportchimiz ehtiyotkorlik bilan jang olib bormoqda.
22:39. Mahmud uchun UFCdagi birinchi raund yomon o'tgani yo'q. Raund so'nggida u yaxshigina hujumga o'tdi va raqibini yiqitdi. Raqibdan qon chiqdi.
22:34. Jang boshlandi.
22:33. Har ikki sportchi oktagonda. Mahmud O'zbekiston va CHexiya bayrog'i bilan chiqib keldi.
22:28. Va nihoyat Mahmud Muradov va Alessio di CHiriko o'rtasidagi jang boshlanmoqda. Sportchilar oktagonga chiqib kelishmoqda.
22:22. Avstriyalik sportchi Ismail Naurdiev Baxodurzodani mag'lub etdi.
22:17. Oz qoldi. Birozdan so'ng Mahmud ishtirokidagi jang boshlanadi.
21:58. Endi Siyar Baxadurzoda (Afg'oniston) va Ismail Naurdiev (Avstriya) o'rtasidagi jangni ko'ramiz.
21:54. Devis va CHikadze o'rtasidagi jangda durang qayd etildi.
21:47. Janglarni tomosha qilish uchun linklar USHBU SAHIFADA elon qilindi.
21:44. Mahmud Muradov ishtirokidagi jang Toshkent vaqti bilan taxminan 22:00 dan so'ng boshlanishi kutilmoqda.
21:41. Hozircha turnir doirasida Giga CHikadze va Brendon Devis o'rtasida jang o'tkazilmoqda.
21:38. Assalomu alaykum hurmatli muxlislar. Daniya poytaxti Kopengagen shahrida UFC Fight Night 160 turniri boshlangan. Birozdan so'ng ushbu jang oqshomi doirasida o'zbekistonlik aralash qoidalar jangchisi Mahmud Muradov oktagonga chiqadi. Ushbu jangda hamyurtimizga italiyalik Alessio di CHiriko raqiblik qiladi.
Fikrlar