Manba - O'zbek telekanali APL translyaciyasi ustida ishlamoqda

Bu haqda dastlab, sharhlovchi Otabek Jo'raev o'zining Telegramdagi sahifasida malum qildi:

"Zo'r TV" APL doirasidagi Abduqodir Husanov ishtirokidagi o'yinlarni namoyish etadi! APLning har turida "Zo'r TV" tomonidan ikkita  uchrashuv namoyish etiladi. Birinchi o'yin bu, tushunarli - "Manchester Siti" o'yini. Ikkinchisi esa "Liverpul", "Arsenal", "CHelsi", "Manchester Yunayted", "Tottenxem" yoki boshqa ingliz brendi ishtirokidagi o'yin", deb yozgan Jo'raev.

Yaqin vaqtlardan buyon "Zo'r TV" telekanalidagi futbol bellashuvlarini sharhlab borayotgan Davron Fayziev esa bunga quyidagicha munosabat bildirdi:

"Bu malumot hali rasmiy emas. Ha, "Zo'r TV" bugungi kunda barcha futbol muxlislari ko'rishni xohlayotgan Siti va APLning boshqa top klublari o'yinlarini namoyish etish uchun harakatda. Biz ham bu ijobiy hal bo'lishini kutyapmiz". 

Malumot uchun, o'zbek telekanallaridan so'nggi bor "UzReport" va "Futbol TV" Angliya Premer Ligasi o'yinlarini mamlakat hududida namoyish qilgandi.