"Manchester Siti" CHempionship finalidan 20 mln funt sterling ishlab olishi mumkin

Premer-liga yo'llanmasi uchun CHempionship finalida "Lids Yunayted" va "Sautgempton" jamoalari to'qnash keladi. Gap shundaki, "Sautgempton" o'tgan yozda angliyalik 21 yoshli futbolchi Teylor Xarvud-Bellisni "Manchester Siti"dan bir mavsumga ijaraga olgandi.

SHartnomadagi bandga ko'ra, "avliyolar" klub Premer-ligaga yo'l olgan taqdirda, markaziy himoyachini 20 million funt sterlingga sotib olishga majbur. Teylor Xarvud-Bellis Angliya U-21 terma jamoasi sardori hisoblanib, ushbu yosh toifasida Evropa chempionligini qo'lga kiritgan.