Mariya Mayamida muvaffaqiyatli start oldi

Dunyoning to'qqizinchi raketkasi bo'lib turgan Mariya Sakkari ushbu nufuzli musobaqadagi ishtirokini g'alaba bilan boshlab oldi. Ikkinchi davradan bahslarga qo'shilgan greciyalik tennis malikasi WTA reytingida 37-pog'onada borayotgan xitoylik Yuan Yuedan ikki setda ham bir xil hisobda ustun keldi - 6/2, 6/2. 

Tennischilarning o'zaro o'tkazilgan ikkinchi uchrashuvida ham Mariya zafar quchdi. Sakson daqiqa davom etgan bahsda ikkala tennis malikasi ham 2 tadan eys zarbasini amalga oshirgan. Breyklar masalasida Sakkari ustun - 5 ga 1.