Marselo Belsa: "O'zbekiston jismonan kuchli va harakatchan jamoa va shu jihatlari bilan Dominikan Respublikasidan farq qiladi"

"Xalqaro uchrashuvlar har doim biz uchun sinov bo'ladi, ayniqsa raqib jamoada Fabio Kannavaro kabi yuqori malakali murabbiy boshchilik qilayotgan bo'lsa.

Jahon chempionati kelasi yili bo'lib o'tadi, bu katta masuliyat yuklaydi. Bunday nufuzli musobaqaga puxta tayyorgarlik ko'rish g'oyat muhim.

Bugungi kunda barcha o'yinlar, FIFA reytingidan qati nazar, teng kuchli raqiblar o'rtasida o'tadi. Hech qachon o'yin oson yoki qulay bo'lishini kutmaysiz. Oddiy uchrashuv bo'lishini tasavvur ham qila olmaysiz. Futbolda nima bo'lishini bashorat qilish maqsadga muvofiq emas, chunki bu sport turida natijalar oldindan nomalum bo'ladi", dedi 70 yoshli mutaxassis.

SHuningdek, chap qanot himoyachisi Marselo Sarachchi shunday fikr bildirdi:

"Qiziqarli o'yin bo'ladi, chunki unda keyingi jahon chempionatiga yo'llanma olgan ikki jamoa bellashadi. Ko'plab futbolchilar uchun bu muhim sinov va biz o'zimizning eng yaxshi o'yinimizni ko'rsatishimiz kerak.

Dominikan Respublikasi bilan taqqoslaganda, O'zbekiston jismonan baquvvat, kuchliroq va harakatchan jamoa. Jahon chempionati oldidan esa ularning tayyorgarligi ancha yuqori motivaciya bilan o'tmoqda", dedi jamoa sardori.

Eslatib o'tamiz, O'zbekiston - Urugvay uchrashuvi bugun, 13 oktyabr kuni Toshkent vaqti bilan soat 17:45da boshlanadi.