Mashhur bokschilarimiz bayram bahona Toshkent yo'lbarsini yo'qlashdi FOTOGALEREYA

O'zbek xalqiga azaldan xos bo'lgan bunday yuksak fazilatlar mamlakatimizda davlat siyosatining ustuvor yo'nalishlaridan biriga aylangan. 

Inson jasoratini esga olish va uni qadrlash bebaho manaviy boylik, hech narsa bilan o'lchab bo'lmaydigan qadriyatlarimizdan biridir. 

Ayniqsa, bayram bahonasida mehnat faxriylarini yo'qlash odat tusiga aylangan. O'zbekiston boks federaciyasi yangi yil arafasida ana shunday xayrli ishga qo'l urdi. 

Federaciya mutasaddilari, murabbiy hamda charm qo'lqop ustalarimiz mamlakatimizning boks bo'yicha birinchi jahon chempioni, Olimpiya o'yinlari sovrindori, xalqaro turnirlarning ko'p karra g'olibi Rufat Risqiev xonadaonida bo'lib, dildan suhbat qurishdi. 

Qari bilganni pari bilmas, deganlaridek, boks faxriysi yosh charm qo'lqop ustalariga ushbu sohada muhim bo'lgan tavsiyalarni berdi. O'z tajribasi bilan o'rtoqlashdi. 

Albatta, bu kabi uchrashuvlar yosh bokschilarning kelgusida faoliyati hamda hayot yo'lida as qotishi shubhasiz.