Mateush Gamrot Maykl CHendlerga "vyzov" tashladi

Gamrot ushbu jangning kelasi yilning bahorida o'tkazilishini so'rayapti. 

"Maykl, agar sen haliyam o'zingni chempionlik kamariga davogar deb hisoblayotgan bo'lsang, kel bahorda o'zaro jang tashkil etamiz. O'sha jang qaysi birimiz kuchli ekanimizni aniqlab beradi. G'olib chempionlik kamari uchun yurishni davom ettiradi. Hozircha esa xordiq chiqar", — deya o'zining ijtimoiy tarmoqdagi sahifasida xabar qoldirgan Gamrot. 

Eslatib o'tamiz, Mateush Gamrot Abu-Dabida o'tgan UFC 280 turnirida Beneil Dariushga ochkolar hisobiga ko'ra yutqazib qo'ygandi. Maykl CHendler esa o'tgan haftaning yakshanba tongida o'tgan jangda Dastin Porega imkoniyatni boy bergandi. Pore uchinchi raundda CHendlerni bo'g'ib qo'ygan edi.